Прием в І и Х классы

Прыём дакументаў у Х клас

Прыём у Х клас здзяйсняецца згадна з Кодэксам Рэспублікі Беларусь аб адукацыі, пастановай Міністэрства адукацыі Рэспублікі Беларусь ад 17 жніўня 2022 года № 269 "Аб прыёме асоб для атрымання агульнай сярэдняй адукацыі ў гімназіях, сярэдніх школах", Палажэннем аб установе агульнай сярэдняй адукацыі (зацверджаным пастановай Міністэрства адукацыі Рэспублікі Беларусь ад 19 верасня 2022 года № 322).

Рашэннем Ушацкага раённага выканаўчага камітэта ад 27.04.2023 года № 401 усталяваны кантрольныя лічбы прыёму ў Х класы на 2023/2024 навучальны год. Згодна з дадзеным рашэннем у ДУА "Глыбачанская сярэдняя школа імя Б.І. Юркіна Ушацкага раёна" фарміруецца Х клас напаўненнем 5 чалавек, у якім будзе арганізавана прафесіянальная падрыхтоўка па прафесіі "Агароднік" без разраду.

Заява пры прыёме у Х клас сярэдніх школ падаецца ў прыёмную камісію сярэдняй школы ў перыяд з 12 чэрвеня па 10 жніўня года прыёму. З 12 чэрвеня па 20 ліпеня дакументы прымае намеснік дырэктара па асноўнай дзейнасці Герцык А.С., з 21 ліпеня па 10 жніўня - дырэктар установы адукацыі Жогаль З.І.

Заява прымаецца пры прадяўленні наступных дакументаў:

- пасведчанне аб нараджэнні або дакумент, які сведчыць асобу,

- медыцынская даведка аб стане здароўя,

- пасведчанне аб агульнай сярэдняй адукацыі.

Даведкі па тэлефонах: 5-56-94, 5-57-94.

Аб арганізацыі прыёму ў першы клас

Прыём дакументаў для залічэння ў 1 клас

У адпаведнасці з пунктам 72 Палажэння аб установе агульнай сярэдняй адукацыі, зацверджанага пастановай Міністэрства адукацыі ад 19.09.2022 No 322, прыём дакументаў у I клас дзяцей, якія пражываюць у мікрараёне, ажыццяўляецца з 12 чэрвеня па 15 жніўня. Пры наяўнасці свабодных месцаў для залічэння ў 1 клас дзяцей, якія не пражываюць у мікрараёне, дакументы могуць быць пададзены з 16 па 28 жніўня. З 12 чэрвеня па 20 ліпеня дакументы прымае намеснік дырэктара па асноўнай дзейнасці Герцык А.С., з 21 ліпеня па 15 жніўня  - дырэктар установы адукацыі Жогаль З.І.

Прыём у 1 клас дзяцей ажыццяўляецца па дасягненні імі на пачатак навучальнага года ўзроста 6 гадоў або па жаданні аднаго з законных прадстаўнікоў дзіцяці з больш позняга ўзросту. Па заяве бацькоў (законных прадстаўнікоў) дапускаецца прыём дзяцей, якім 6 гадоў споўніцца ў цякучым каляндарным годзе  (пункт 3 артыкула 151 Кодэкса аб адукацыі).

Пералік дакументаў, неабходных для залічэння дзіцяці ў 1 клас

Законныя прадстаўнікі непаўналетніх прадастаўляюць ва ўстанову адукацыі наступныя дакументы:

1. Заявы на імя дырэктара ўстановы агульнай сярэдняй адукацыі.
2. Пасведчанне аб нараджэнні дзіцяці
3. Медыцынская даведка аб стане здароўя ўстаноўленага ўзору з заключэннем аб гатоўнасці дзіцяці да навучання ў школе.
Дакументы прымаюцца дырэктарам установы адукацыі ў перыяд з 12 чэрвеня па 15 жніўня падчас прыёму грамадзян.
Па пытаннях, якія Вас цікавяць, можна звяртацца:

- дырэктар Жогаль Зоя Іванаўна, тэл. 5-57-94

- намеснік дырэктара па асноўнай дзейнасці Герцык Алена Сцяпанаўна,  тэл. 5-56-94

Мікрараён ДУА "Глыбачанская сярэдняя школа імя Б.І. Юркіна Ушацкага раёна"

(Згодна дадатка да рашэння Ушацкага раённага выканау́чага камітэта 02.09.2013   No 683 (у рэдакцыі рашэння Ушацкага раённага выканау́чага камітэта 26.05.2023  No 488)